मनात माझ्या कसला गंध?
वाटे असावं असं कोणी ज्यासवे
जुळावेतं हळुवार रेशीमबंध...
झोक्यावर बसून कधी
वाटे हवेत उंच विहरावं
दुरून आलेल्या सुगंधानं
निमिषभर सर्वांग मोहरावं...
सळसळ हिरव्या पानांची
कानी गुजगोष्टी बोलून जाते
फुलपाखरांच्या रंगात
मी अलगद बुडुनि जाते...
क्षितीजाच्या पलीकडे
चोरून नजर काय शोधते
अजाण वाटेकडे उगाच
वेड्यागत डोळे लावून बसते...
पुसटशी येते कधी
नेत्रांत अश्रूंची लाट
स्वप्नातल्या त्याची
बघेन आजन्म वाट...
