Happy Women's Day !!

जिजाऊंसारखी आई ही आमच्यातलीच एक आहे
सीतेसारखी पातिव्रताही आमच्यातलीच एक आहे
सीता, जिजाऊंसारख्या प्रबळ महाशक्तींसम
कल्पना चावला ही आमच्यातलीच एक आहे

निर्भय, आत्मविश्वासू अशी मानिनी
सर्व जगात आघाडीवर आहे
राणी लक्ष्मीबाईंची शूरतेसम
किरण बेदी ही आमच्यातलीच एक आहे

नात्यांच्या रेशीमबंधात गुंफलेली स्त्री
म्हणते मऊ उबदार लोकर आहे
अमाप ममतेच्या प्रतिकृतीसम
मदर तेरेसा ही आमच्यातलीच एक आहे

लता-अशा च्या कोमल स्वरांनी
आज जग झंकारले आहे
राधा-मीराच्या प्रेमाच्या रूपाने
कविताही नि:शब्द होते आहे

बहिणाबाईंच्या ओव्यांमधला अर्थ
आज जगाला कळला आहे
देवही झुकला अशा सावित्रीसम
जनाबाई ही आमच्यातलीच एक आहे

नित्य नवे ध्येय मनी
ज्यांची महत्वाकांक्षा असीम आहे
गार्गी-मैत्रेयी या विद्द्युलतेसम
आनंदी जोशी ही आमच्यातलीच एक आहे

जितकी सबळ आहे हि स्वामींनी
मनात खुळखुळणारा झरा आहे
सागराकडे झेप घेणाऱ्या सरितेसम
दुष्यन्ताची शकुंतला ही आमच्यातलीच एक आहे

तुमच्या माझ्या प्रत्येकात
ही बंदिनी लपलेली आहे
अशा सर्व थोर स्त्रियांना
हि प्राजक्ता वंदन करते आहे

जादू निसर्गाची

अस्ताला जाता रवी धरेवर झेपावणारी संध्या,
हिरवा निसर्ग पाहता पाहता गाली खुद्कन हसणारी मुग्धा...

प्रियेच्या गालावरती जसा लज्जेचा रक्तीमा,
तशीच भासे मला ही लालजर्द पश्चिमा...

शांत शीतल प्रकाशाने सुखावतात नेञ,
हळुच निरोप घेतो जेव्हा धरतीचा मिञ...

सुर्यास्त प्रतिबिंबित झालेल्या पाण्यावर हलकेसे तरंग,
नाजुकशी ती रंगछटा अन् मनात कसलेसे उमंग...

चांदण्यांनी झुळकावली निशेच्या येण्याची चाहुल,
राजेशाही थाटातलं चंद्राचं पहिलं पाउल...

निसर्गाची ही जादु पाहुन प्राजक्ता ही बहरली,
अफ़ाट असं सौन्दर्य निरखत मनोमन मोहरली...